آزربايجان- كوردوستان سينيرلاريني بليرله مه ده كي تمل آليناجاق ايلكه لر


اصول اساسي در تعيين مرزهاي آزربايجان و كردستان

 

http://kurd-yayilmasi.blogspot.com/

 

 

آذربايجان ميللي حؤکومتينين آذربايجان سرحدلري حاققينداکي دوشونجه لري و اويقولامالاري تاريخي- ايستيراتئژيک- ميللي باخيمدان يانليش اينانج، بيگيسيزليك و سيياسي ضعف اوزوندن اورتايا چيخان شئيلردير و بيزي و آذربايجان'ين گله جه ييني باغلاماز.

آچيق نئت'ده ياييلان آشاغيداکي يازي، هم زامانلاما باخيميندان يئرينده و هم ايچه ريک آچيسيندان -بير ايکي نؤکته ديشيندا- منطيقلي و دوغرو اساسلار اوزه رينده قورولموش اويقون بير جاوابدير.

نامه سرگشاده به احزاب وسازمان های کرد ایرانی

http://kurd-yayilmasi.blogspot.com/2006/03/blog-post_114305472773271787.html

فورصتدن ايستيفاده ائده ره ک اوز آديما اونو حاضيرلايانلاردان تشککور ائديره م.

يوخاريدا دئديييم بير ايکي نٶکته ايسه بونلاردان عيبارتدير:

يازينين ان تمل سورونو، کورد-تورک و آزربايجان-کوردوستان سينيرلاري و سرحدلرينين بليرله نمه سينده تعقيب ائديله جک يٶنته مله ايلگيليدير. يازيدا بو يٶنته مين آزربايجان ميللي حٶکومتي و کوردوستان دٶولتينين آرالاريندا ايمضالاديقلاري آنلاشمانين روحونونا باغلي قالماق اولدوغو يازيلير.

آ- اگر بو "روح"دان آماج، دانيشيقلار ياپماق و دييالوقسا، بو بوتونويله قبول ائديله جک و هر ايکي طرفين چيخارينا اولان بير يٶنته مدير.

ب- اگر بو "روح"دان آماج، او ايکي دٶولت آراسيندا ياپيلان آنلاشمالارين اٶزو ايسه، بو هئچ بير شکيلده قبول ائديله جک بير روح دئييلدير و بوتونويله تورک خالقي و آزربايجان`ين ميللي چيخارلارينا ترسدير.

آزربايجان ميللي حٶكومتي و كوردوستان دٶولتي آراسينداكي آنلاشمالار سورونلو آنلاشمالاردير. او آنلاشمالاردا وار اولان اساس سورون، ائتنيک آزربايجان يئرينه، پهلوي دٶولتينين ايستئعماري سيياستلري دوغرولتوسوندا ياراديلان ايداري تقسيماتين اساس آلينماسيدير. آزربايجان ميللي حٶكومتينين، آزربايجانين تورپاق بوتونلويونه ترس اولان بو يانليش ايداري تقسيماتي قبول ائتمه سي سونوجوندادير كي سولدوز'ون کوردوستان دٶولتينه داخيل ائديلمه سي كيمي تاريخي بير خطايا تانيق اولوروق. بو باره ده آشاغيداکي يازييا باخابيله رسينيز:

 

سلدوز ترك را جزو جمهوري كردستان كردند

http://kurd-yayilmasi.blogspot.com/2006/03/1320-1301-1320.html

 

راديو بي بي سي: اروميه و سلدوز مزاحم آرمان كردستان هستند

http://kurd-yayilmasi.blogspot.com/2006/03/blog-post_114330816335996702.html

 

آزربايجان دئموکرات فيرقه سينين صاحيب اولدوغو يانليش آزربايجان تصووورو- كي آزربايجانين جوغرافيياسي، تاريخي و تاريخي جوغرافيياسينا، آزربايجانين ژئواسيتئراتئژيك چيخارلارينا يئته رينجه تانيش اولماماسي، پهلوي ديکتاسينين ايداري تقسيماتيني سورغولامادان و گٶزو باغلي قبول ائتمه سي و سووئت دٶولتينين زورلاماسي ايله اورتايا چيخميشدير- هئچ بير شکيلده بوگون اوچون گئچه رلي اولابيلمه ز. بو اٶلومجول سيياسي خطا و يانليشليق - ان باشدا آزربايجان`ين سولدوز، تيکان تپه، سايين قالا، .... بٶلگه لرينده ياشايان تورک خالقي اوچون قبول ائديلمه زدير.

آزربايجان دئموکرات فيرقه سينين يانليش آزربايجان تصوورو تكجه باتي آزربايجانا محدود قالماييبدير. بو حٶكومت عئيني يانليشليغي، آذربايجان تورپاغي اولدوقلاري حالدا، ايداري تقسيماتدا كوردوستان و كيرمانشاهان اوستانلارينا باغلانان بيجار-گروس، ياسسو کند، قوروه، سونقور، .... باره سينده ده ائله ييبدير. اٶته کي ياندان عئيني يانليشليق گينه ده فارس-مرکزي دٶولتله ده تئكرارلانيب و نتيجه ده آزربايجان`ين ياريسيندان چوخونو اولوشدوران تورپاقلاريميز يعني بوگونکو زنجان، همدان، قزوين، تئهران، قوم و مرکزي اوستانلاري، آزربايجان`ين ديشيندا قبول ائديليب و فارسيستان-مرکزي دٶولته بيراخيليبدير.

باشقا بير دئييشله آزربايجان ميللي حٶکومتينين آزربايجان سرحدلري حاققينداکي دوشونجه و اويقولامالاري، تاريخي-ايستيراتئژيک-ميللي باخيمدان يانليش اينانج، بيلگيسيزليك و سيياسي ضعف اوزوندن اورتايا چيخان شئيلردير و ميللي چيخارلاريميزا ترس دوشدوكلريندن اٶتورو، بيزي و آزربايجانين گله جه ييني باغلاماز.

 

من بورادا قيسساجا فئدئرال آزربايجان و کوردوستان`ين ميللي سينيرلاري و دٶولت سرحدلريني بليرله مه ده واز گئچيلمه ز اولان اساسلاري سيرالاييرام:

١- تمل و گنه ل ايلكه- اساس ياشايان خالقدير:

 

ايران`ين شيمال غربينده کي بوتون تورک يئرله شيم منطقه لري آزربايجان'ا و ايران`ين شيمال غربينده کي بوتون کورد يئرله شيم بٶلگه لري کوردوستان'ا آشاغيداكي قئيدلر گٶز اٶنونه آليناراق- داخيل ائديلمه ليدير.

٢- اساس آليناجاق زامان كسيدي- ١٩٠٦ اٶنجه سيدير:

 

اساس آليناجاق زامان کسيدي و تاريخ، اينديکي ائتنو-دئموقرافيک دوروم دئييل، ١٩٠٦ ايليندن قاباقکي ائتنيک وضعيييتدير. ١٩٠٦ تاريخي، فارس شووئنيسمينين ايران دٶولتي و بوروکراسيسينه حاکيم اولدوغو تاريخدير. بو تاريخدن سونرا ميللي- ائتنيک بٶلگه لرينين ترکيبينده گرچکله شه ن بوتون ده ييشيکلر (تورکييه و ايرانين باشقا بٶلگه لريندن آزربايجان`ا گليب بورايا يئرله شديريله ن کوچه ري کورد طايفالاري، بٶيوک شهه رلر،... اورمو و بنزه رلرينه ياپيلان کورد کٶچ و آخينلاري سونوجوندا بورالاردا كوردلرين ساييسينين آرتماسي، كوردلرين له هينه اورتايا چيخان دئموقرافيك ده ييشيكليكلرو....)، کولونييال ده ييشيکليکلر اولوب، هئچ واخت ميللي- ائتنيک بٶلگه لرين و فئدئرال دٶولتلرين سرحدلريني تعيين ائديلمه ده اساس آلينابيلمه ز. آزربايجان تورپاقلاريندا ١٩٠٦دان سونرا اولوشموش هر هانسي کورد يئرله شيم بٶلگه سي- شهه ر يا دا کند فرق ائلمه ز- بوگون يوزده يوز کورد اولسالار دا، گينه ده آزربايجان`ا داخيل ائديلمه ليدير.

نئجه کي عراق`دا بارزاني و طاليباني، کورد بٶلگه سي و خوصوصن کرکوک'ون ايستاتوسونو بليرله مک اوچون، بعث رئژيمين قورولماسيندان قاباقکي وضعيييتين اساس آلينماسي، حتتا بو تاريخدن سونرا بٶلگه يه کوچ ائده ن و يا يئرله شديريله ن عربلرين بئله، بو تورپاقلاردان ائشييه آتيلماسيني مودافيعه ائديرلر، بيز ده ١٩٠٦ ايليندن سونراکي آزربايجان`ا تورکييه، عراق و يا ايران`ين باشقا بٶلگه لريندن ياپيلان کورد کٶچلرينين، آزربايجان`ين ميللي سرحدلريني بليرله مه ده هئچ بير تاثيري اولماياجاغيني ساوونماليييق.

٣- كوردوستاندان قاچان توركلر سورونو:

 

گونوموزده کوردلرله مسکون اولان ساووج بولاق (ماهاباد)، خانا (پيرانشهر)، ساققيز و.... ده ياشايان تورکلر، ١٩٠٦ تاريخيندن سونرا بير نئچه مرحله ده ، کوردلرين باسقي و سالديريلارينا معروض قاليب و اٶز تاريخي يورد يووالاريني ترک ائتميشلر. بو قاچيش خوصوصييله اينقيلابدان سونرا سورعتلي اولوب و بٶلگه ده کي اونلارجا تورک کندي بوشالديليبدير. حالبوکي بو دٶنه مده آزربايجاندا ياشايان هئچ بير کورد، بورادان کوردوستان`ا گئري قاييتماييبدير.باشقا دئييشله سون يوز ايلده كوردلرين ياشاديغي بٶلگه لردن توركلرين چيخيشي و توركلرين ياشاديغي بٶلگه لره كوردلرين گيريشينه تانيق اولماقداييق.

آزربايجان و کوردوستان سرحدلريني موباحيثه ائده نده کٶچ قاچماغا مجبور ائديله ن کوردوستان تورکلرينين (خانا، ساققيز، ساووجبولاق،....) گونده مه گتيريلمه ليدير. بونلارين کوردوستان`ا قاييتمالاري، کوردوستان فئدئرال دٶولتي طرفيندن ماددي (تورپاق، مال-داوار) ضررلرينين قارشيلانماسي، قاييتمالاري مومکون دئييلسه ده اونلارين ساييسي قده ر کورد`ون (ويا کورد يئرله شيم مرکزلرينين) آزربايجان تورپاقلارينا داخيل ائديلمه سي شرط قوشولماليدير.

٤- كوردوستان و كيرمانشاهان اوستانلارينداكي آزربايجان تورپاقلاري:

 

پهلويلر دٶنه ميندن باشلاياراق، ائتنيک آزربايجان`ين بيجار، قوروه و سونقور بٶلگه لري کوردوستان و کيرمانشاهان اوستانلارينا داخيل ائديليب، بورايا بير طرفدن بٶيوک کورد كٶچو و گيريشي گرچکله شيب، بير طرفدن ده بورانين يئرلي تورک اهاليسي، زنجان و همدان اوستانلارينا موهاجيرت ائديب و ائديرلر.

آزربايجان و کوردوستان سرحدلريني موباحيثه ائده نده هميشه بيجار، قوروه و سونقورداکي تورک بٶلگه لرينين-يعني ١٩٠٦دان قاباق توركلرله مسكون اولان بٶلگه لر، بوگون كوردلرله مسكون اولسالار بئله- موطلقن آزربايجان`ا داخيل ائديلمه سي وورقولانماليدير. هارانين تورک بٶلگه سي اولدوغونو تثبيت ائده نده ده بوگونکو وضعيييت دئييل، ١٩٠٦'دان قاباقکي جمعيييتين ائتنيک ترکيبي نظرده آلينماليدير.

غربي آزربايجانداکي بير سيرا کورد يئرله شيم مرکزلرينين فئدئرال کوردوستان`ا باغلانابيلمه سي، حتتا بو مووضونون موباحيثه ائديلمه سي، آنجاق و يالنيز ١٩٠٦دان قاباق توركلرله مسكون اولان بيجار، قوروه و سونقور كيمي بٶلگه لرين، داها اٶنجه دن فئدئرال آزربايجان`ا باغلانماسينا مشروطدور.

يوخاريداکي تاريخي دئموقرافيک اوصوللاردان باشقا، آزربايجان-کوردوستان فئدئرال دٶولتلرين سرحدلريني تعيين ائتمكده سيياسي ايستيراتئژيک اساسلار دا رول اوينايير.

 

٥- سيياسي-امنييتي ايلكه لر- توركييه يه بيتيشيكليك گره يي:

 

آزربايجان -تورکييه آراسيندا جوغرافي بير سد ويا فاصيله ياراتماق آزربايجان و تورک خالقينين ايستيراتئژيک چيخارلاري و خوصوصييله گله جكده كي کورد و مرکزي فارس-فارسيستان دٶولتلري، و حتتا ائرمنيستان قارشيسيندا امنيييتينين ساغلانماسي اوچون حياتي اٶنمه صاحيبدير. باشقا بير دئييشله، اگر تورکييه- ايران سينير بويوندا ١٩٠٦دان قاباق دا بير سيرا کورد بٶلگه لري مووجود اولموش اولسا- کي بئله بير شئيين اولدوغوندان آرخايين دئييله م- کوردلرله مسکون بئله نچي يئرله شيم بٶلگه لري، گينه ده هئچ بير شرطينه ن، کوردوستان دٶولتينه داخيل ائديله بيلمه ز.

ايراندا ائتنيک ويا فئدئرال کوردوستان`ين تورکييه ايله اورتاق سرحددي يوخدور و اولماياجاقدير. ايرانين شيمال غربينده، تورکييه نين بوتون سينير بويو تک قونشوسو آزربايجان اولماليدير.

٦- اوشنو (خانا)، آزربايجان`ين عراق`ا آچيلان قاپيسي:

 

اسکيدن تورکلرله مسکون اولان اوشنو شهريستاني، آزربايجان`ي عراق`ا - و بو وسيله ايله اورادا ياشايان و کورد ياييلماچيليغي و ظولمونه معروض قالان تورکمان ديياسپوراميزا- و عرب دونياسينا باغلايان تک گئچيددير. بو ندنله اوشنو (خانا) اينديکي ائتنيک ترکيبي نه اولورسا اولسون، موطلقن فئدئرال آزربايجان سرحدلري ايچينده قالاجاقدير.

باشقا بير دئييشله، ائتنيک ويا فئدئرال آزربايجان و عراق`ين، شرطلر نه اولورسا اولسون، اورتاق سرحددي اولماليدير.

٧- اورمو-سولدوز مئحورينين حياتي اٶنه مي:

 

پهلوي دٶرونده، اورمو گٶلونون گونئيينده کيچيک بير بٶلگه ماهاباد شهريستانينا باغيشلانيب و بئلجه اورمو ايله سولدوز آراسيندا قوپوقلوق اولوشدورولوبدور. بو يوللا بير طرفدن کوردلره اورمو گٶلونه چيخيش يولو ساغلانيب بير طرفدن ده سولدوز- تيکان تپه- سايين قالا حتتا بيجار و... گله جکده کورد ايشغالي قاباغيندا ساوونماسيز بيراخيليبدير.

اورمو-سولدوز مئحوري گونئي آزربايجان`ين غربي سرحدلريني قوروماقدا حياتي اٶنمه صاحيبدير. بو مئحورده هر هانسي قوپوقلوق، قوزئيده اورمو- سالماس- خوي- چالديران- ماکي'نين و گونئيده سولدوز- تيکان تپه- سايين قالا- بيجار- ياسو کند- قوروه- سونقور'ون دوشمه سي و راحاتليقلا کوردوستانا ايلحاق ائديلمه سي دئمکدير. بو ندنله، اورمو گٶلونون گونئيينده ماهاباد شهريستانينا داخيل ائديلميش ١٩٠٦'دان قاباقکي تورک بٶلگه لري- اينديکي ائتنيک ترکيبلري نه اولورسا اولسون فئدئرال آزربايجان`ا عاييددير.

باشقا بير دئييشله هئچ بير شرط آتيندا اورمو- محممديار- سولدوز آراسيندا قوپوقلوغا ايذين وئريلمه مه ليدير، ائتنيک ويا فئدئرال کوردوستان`ين اورمو گٶلونه چيخيشي يوخدور و اولماياجاقدير.

٨- تبريز و اردبيل آكتيويستلري و كورد مساله سي:

 

آزربايجان`ين کوردوستانلا اولان اورتاق غربي سرحدلري و عوموميييتله کورد-تورک مساله سي حاققيندا فيکير سٶيله يه نلر گنه لليکله شرقي آزربايجان و اردبيل اوستانلاريندانديرلار. البتته بو اٶزلويونده پيس بير شئي دئييلدير، حتتا چوخ گره کلي و سئوينديريجي بير دورومدور. آمما تجروبه گٶسته رميشدير کي بو يوردداشلاريميز تورک-کورد و آزربايجان-کوردوستان مساله سينه دريندن و هر طرفلي بلد دئييلديرلر.

بو اوزدن بو مساله لر حاققيندا موطلق شکيلده يئرلي اهاليدن اولان آيدين و آکتيويستلريميز - و اٶنجه ليکله غربي آزربايجان (اورمو، سولدوز، تيكان تپه، ماكي، سالماس، سايين قالا، ...)، کوردوستان (بيجار، قوروه، ياسسو کند، سونقور...) و همدان (باهار، اسداباد، ....) سٶز صاحيبي اولمالي و اٶن پيلانا چيخماليديرلار.