خاور قهرمانی

یوردوما یئنه باهار گله جک!

دئییرلر یوردوما گلیب ایلک باهار

یاشیل یاماجلارا گول وئریب گئتدی

سیسقا بولاقلارا یانمیش چوللره

قوروموش چایلارا  سئل وئریب گئتدی

داغلارین دوشونده بیتدی چیچکلر

باهارین عشقینه نغمه لر دئدی

آزادلیق اودیلا یانان اوره کلر

گلن آغ گونلره خوش خبر دئدی

دئمه یین او باهار نه دن بیرجه ایل

بو دوغما چوللره گول وئریب گئتدی

او یئنه گله جک ائللر آی ائللر

چون بیزیم ائللره دیل وئریب گئتدی