حؤرمتلی شاعیر، عبدالله وطن خواه ین الفبای کارگری آدلی شعری نین سربست ترجمه سینی، واحید شرکتی نین ایشچی سندیکاسینا اتحاف ائدیره م. قوی، اونلارین سرمایه نین قولدورلوغونا قارشی شرفلی ساواشلاریندا، بیزیم ده بیر کیچیک پایی میز اولسون.

شعر الفبای کارگری که در شماره 12 مجله ی نقد نو چاپ شده است، توسط آقای عبد الله وطن خواه (فلزبان) در اردیبهشت 1382 سروده شده است.ترجمه ی نسبتاً آزاد این شعر را به فعالین سندیکای کارکنان شرکت واحد تقدیم میکنم. با امید پیروزی آنها در مبارزه با زورگوئی سرمایه.

سیداوالی

 

ایشچی نین سؤزو

 

سؤزلریمی چوخ ائشیتميسن

اونلاری پیشیک کیمی هارادان سالسان

دؤرت ال- آیاق لاری اوسته

یئره دوشرلر.

شاعیر دئییلم داداش!

ایشچی‌یم

سؤزلریم گؤزل دئییل

اونلاری چوخ ائشیتمیسن:

آج آدام، چؤرک

سوسایان، سو

چیلپاق ایسه

پالتاردان باشقا نه ایستر؟

 

ايستيثمار ین نه اولدوغونو

ايستيبداد ین کؤکونو بیلیرسن می؟

ايسترئس، هؤوشنه‌نی تانیرسان می؟

هئچ اولدو کی

بیر گئجه سحره تک

اضطراب لا

قول- بویون یاتاسان؟

آغلایان اوشاغا

یوخ دور دئینده

باققالین قارشی سیندا کیچیلنده

قهر، بوغازینی بیچدیمی؟

ایشدن آتیلان دا

چورک سیز سوفره

سنه تانیش دیرمی؟

هئچ گونه موزد ایشله دینمی؟

صاباح، او بیریسی گون

ایشده آتیلان دا

سوفره مه چورک

کوزه مه سو

سن گتیره جک سن می؟

 

سن گوجلو سن

منیم آمما هئچ نه ییم یوخ:

سيندیکادان،

انجومن دن،

بیرلیک و عدالت دن

هئچ دانیشما

آغزیمی آچمادان

منه هده- قورخو گلیرسن

قولاغیمی چکیرسن:

سوس! دانیشما!

دانیشساندا، یالنیزاوزونله!

اؤنجه شيمير کیمی

ووروب، کسیب- آسیرسان

سونرا محبت له:

من بیلمیره م، اؤزون بیلرسن

بیر تَهرَ یولونا قوی!

دئییر سن

 

حقیمی آراسام،

ساواشماق ایسته سم

طرف سیز م دئیه

یالنیز منیم قوللاریمی توتورسان

 

نه دئییم

بوتون دده- بابالاریمی

تره‌زيده چکسن

یئنه ده سیزین داشی نیز

آغیر گلر.

 

آمما باشقا یولوم دا یوخدور

اؤيرنمه لییم

ایسته سم دادلی میوه نی

آغاجدان ده‌رم

من، من اولماغی ده‌نه‌مه‌لییم

آزاد اولمالییام

اؤز آیاقلاریم اوستونده دورمالییام

ییخیلسامدا

دوروب بیر ده، دنه‌مه‌لییم

ایسته‌سم دادلی میوه‌نی

آغاجدان ده‌رم

من، من اولمالییام

 

سگگیز ساعات ایشله

یاشاماق مومکون اولمالی

سوفره‌می آچاندا

بیر تیکه چوره گیم اولمالی

و بیر ده

سوت شیرنی سی آلابیلمه لییم

اوشاغیم ایسته ینده

اونا وئره بیلم.