عيمران صلاحی

 

پارچالاندیق  سینمادیق

 

پارچالاندیق  سینمادیق

داش آتانلار بیلمه دیلر

پارچالانمیش آینادا

بیر آیدان مین آی چیخار

بیر گونش دن مین گونش

بیر اولدوز دان مین اولدوز

 

پارچالاندیق آینا کیمی

چوخالیریق چوخالدیریق ایشیغی

گوندوز گونه عادتی وار، گئجه اولدوزلارا آیا

بوداقلار باهارا

میوه لر یایا

گمیلر دنیزه،  بالیقلار چایا،  پنجره لر آچیلماغا

بیر آز تازا هاوایا

آچیق یئل کن عادتی وار یئللره

آراز دلی سئللره

آینا گوزه‌للییه،  داراق تئل لره

غریب آدام عادتی وار وطنه، داغلار دومانا چنه

آیریلیق گونلری منه

من سنه!