آچان سحر بیزیمکیدیر
( سایین سعید
متین پور و توتساق
دوستلاریمیزا
اتحاف)
آی آغ اوزون یادین قارا زیندانیندا آی ایشیغی
داغلار کیمی دایانیشین آنا یوردون یاراشیغی
وورغون کؤنلون
اؤزگورلویون سئودالیسی
حق عاشیقی
یاساق دیلین وراق وراق غزل غزل اؤزلور سنی
توتساق ائلین اوبا اوبا شهر شهر گؤزلور سنی
توز قونماسین
گول اؤزونه قارا
ظلمون قوراغیندا
داریلماسین
داغ اوره یین تولکو یادین دوزاغیندا
سئوگیمیزین پری لری هر آن گزیر سوراغیندا
سئودان
یاشیر سینه
سینه آزربایجان دیاریندا
نغمه له نیر
دوداق دوداق آرزوموزون با هاریندا
کؤنول مولکو آنا وطن قوچا قلارین میدانیدیر
بیر گون سوسان بیر گون جوشان
ساوالانین ولکانیدیر
بیلگی سئوگی بوداغیندا آچان گوللر اورمانیدیر
دوستاقلاردان
پؤهره وئرن قیزیل گوللر بیزیمکیدیر
قارانلیغین چؤکوشیله آچان سحر بیزیمکیدیر
یای 2009 اسماعیل
جمیلی