بونلارین

شیطانین ائتدی آغ اوزون کیذب و ریاسی بونلارین

قالمادی ایدعاده ده حوجب وحیاسی بونلارین

بیر سورو موفته خور شقی حاکیم جان ومال اولوب

دینی خورافه دیر اولان الده ماشاسی بونلارین

نظم نیظام نحسیدیر غارت وقتلین اسبابی

فیتنه فسادین اؤرتویو  قانلی قباسی بونلارین

دولت شررو جوردور هیئت ظلم و زوردور

فیسقی اؤتوب فیجوردور آغی قاراسی بونلارین

بیلمز عوامی بیزله مک  جهل وخرافه یوکله مک

مؤمونو تحمیق ائیله مک اصل واساسی بونلارین

جرجه نه وار جرگه سیدیر مجلیس آیات جوذام

غارت وظولم  مرجعی اصل ولاسی بونلارین

تابع امر بیر سورو جاهیل و فاسیق ودنی

هاردا کی واردیر اشقیا جیش وقوواسی بونلارین

بیز قارا گون بس اولمادیق بو دیری دایناسورلارا

قونشویادا یاییلمادا  درد وبلاسی بونلارین

چاره سیز آفت اولمادا  میللته ذیللت اولمادا

عالمه زحمت اولمادا  شررو  بقاسی بونلارین

آچما تررقی صوحبتین بحث تمددون ائیله مه

منطیق وعقل وعلم ایلن یوخدور آراسی بونلارین

 

باغلادیلار سو یوللارین اورمونون عطشاندی گؤلو

خولی وشیمرو حرمله  جدد ونیاسی بونلارین

بوش بوشا وعده دیر بوتون سؤزلرینه یوخ اعتیبار

بیر تیانین بویاسیدیر  یاخشی یاواسی بونلارین

اسماعيل جميلى