آزادلیق جارچیسی

او تایلی بو تایلی میللی ادبیاتیمیزین ان پارلاق اولدوزلاریندان اولان سؤزوموزو اؤزوموزو اؤزلویوموزو یاشاییب یاشادان تانییب تانیدان ائلینین بختیارلیغی یولوندا

زمانین ائنیش یوخوش یولوندا ییلمایان اؤزونو اؤزلویویلن بختیار سانان ده یرلی ادیب میللی شاعیر ائل آغ ساققالی اؤزگورلوک جارچیسی بختیار وهابزاده

آذربایجان ترک پوئزیاسینین دایانیش ادبیاتینین تایسیز تانیمیدیر .

گونئی حسرتیله گؤینه ین کؤور ک اوره گی دایانسادا تورک ائللرینین سئوگی سراییندا سئودا دونیاسی سوره سیز یاشایاجا قدیر.

بختی یار یاشایان بختیار پوئزیاسی میللی ثروتیمیز دیر دیلدن دیله کؤنولدن کؤنوله کؤچوپ یولوموزا ایشیق توتاجاقدیر آیدین گله جگه اومودلاندیریب یاشاییب یاشا داجاقدیر

ائلینین دیلینین دردینی بیلن

دار گونده یوردونون قایغیسین چکن

دیلیندن دوشمه ین بیر آندا وطن

سؤزونده سولمایان چیچکلی باهار

آزادلیق جارجیسی شاعیر بختیار

او تایدا بو تایدا دیللرده آدی

بیر آندا سوسمایان حقلی فریادی

معنا دولو اینجی سؤزلر اوستادی

درین دردی اولان بؤلونموش دیار

آزادلیق جارچیسی شاعیر بختیار

اویانیش یولونون بایراغی اولان

دایانیش شعرینین چراغی اولان

قوزئیده گونئیین دایاغی اولان

دیلیندن دوشمه ین تبریز شهریار

آزادلیق جارچیسی شاعیر بختیار

اسماعيل جميلى