یارالی یاشام

یالنیز ، یاغمور چورومویوب

بولودلارین سورگون کوسگون دوداغیندا

حسرت دولو باخیشلاردا یورولوبدور

یاریمچیلیق آرزیلارین سوراغیندا

اؤزلوگوندن قارالماییب اؤزگورلوگون

گؤی قورشاغی

بویالارین قیزغین قیرغین بازاریندا

وارلیغیندان بوشالمایب

دیریلیگین سؤزجوکلری بوش بوشونا

قورخو دولو یوخولاردیر

اؤلچوب بیچن حوکوم سورن

چاره سیزلیک قامچیسیدیر

ایستکلرین بئلین بوکن

دؤنگه بوروق جیغیرلاردیر

آزغین یورغون یازیقلارین

سوروسیله دولوب داشان

اووسونلانمیش قوللاردیلار

گؤزو باغلی آغزی آچیق

آددیم آددیم یولو چاشان

باسدیریلان دوننلردیر

یورغونلارا یاسدیق اولان

خام خیاللار باسقیسیدیر

مورگولو گونلری اویوشدوران

سسسیزجه

یارالی یاشامدیر

ایچین ایچین آغلایان

اسماعیل جمیلی