سئوگی  یاساق

 

هانی اينسانلیغین گؤزل باخیشی

هانی یاشامین مهربان  آخیشی

هانی هر آنی بزه ین آرزیلار

هانی سئوگى‌نین سولماز ناخیشی

هانی یاشاما گرک دورو دیلکلر

هانی تانریلار تارلاسی

قوتسال اوره کلر

اينسانلیق دالدالاردا اوتانان

کین  قاسیرغاسی  بورراغان

گونده می  چولغایان  قارانلیق   یالان

سؤزلر دیللرده اویونجاق

گؤزلر آنلامسیز چوروک  چاتلاق

ایزلر بیرووزلاردا توتساق

حقیقت اسیر جهالتین  جایناغیندا

حیات  آزغین بیلمزلیگین  قوراغیندا

باخیشلار سولغون

کور اینانجین دوزاغیندا

سئوینج ائوی داربا داغین

گولوش دوستاق

سئودالیلار پارام پارچا

سئوگی  یاساق

                                                                  اسماعیل جمیلی