"ائوین" ده ائوینین  ییه سی اولماق

 

اؤزگور گؤزلریندن  یاز یاشیللیغین

گؤرمزلر  بیلمزلر     سیله  بیلمزلر

اؤزونون   سؤزونون   بلله باللیغین

کا ر کور یارامازلار    بیله بیلمزلر

 

سن یازلی گونلره زوغ آتان چیچک

مشفقلی  صمدلی  اوختایلی   بوداق

سئوگیله یوغرولان سئودالی اورک

ساو آلان سهندین    سؤزونه دایاق

 

" ائوین" ده ائوینین  ییه سی  اولماق                            

ارنلیک  ایید لیک   دایانیش     ایستر

ائلینین  یوردونون  حق سسی  اولماق

دولغونلوق وورغونلوق اویانیش ایستر

 

سیز اؤزگور ساباحین  قارانقوشلاری

دوستاغا سیغمایان  پارلاق  اولدوزلار

اونلارسا   ظلمتین      قارینداشلاری

گونشین اؤنونده         اریین  بوزلار

                                                             سون باهار 2008  اسماعیل جمیلی