دوستاق آداملاری (۳۱ تير ۱۳۸۵)
رضا براهنی / ترجمه: عزیز محسنی

ائله کیشیلری تانییرام کی،
تک بیر ایاق ایله دوستاقدان ائشییه سورونوب،
و ائله بیر قلبایلهکی،
اوندا ابدی اولاراق، روماتیسم یئر سالمیش... .
ائله آروادلاری تانییرام کی،
جلادلارین اورتاسیندا،
شرفلیجه ال به ال اولموشلار
و اونلارین بئینینده تجاوز یوخوسو
ابدی اولاراق سسلنیر.
آلتی یاشلی اوشاقلاری تانییرام کی،
تپیک، قامچی، شیللی آلتیندا بویونلارینا آلمیشلار کی،
آتا بیر شکلی آدامی ائوه گتیریب،
آنا بیر شبههلی کیشییه بیر ائوین یولونو گؤرستمیش.
چادرالی بیر قادین تانییرام کی،
یاراماز جلادلار اونو چیلپاق ائتمیش
و اونون گون گؤرمهین امجکلرینه الکتریکی باتون قویموشلار
و بیر ساعات سونرا، سلولدا قادین همان بو امجکلری
سود امر اوشاغینین آغزینا قویوردو.
اوندؤرت یاشلی بیر قیز تانییرام کی، شکنجهنین قورخوسوندان،
آیلیق قان گؤرمهسی پوزولموش، بعضا آلتی آیدا بیر دفعه
و بعضا دؤرت گونده بیر دفعه قان گؤروردو.
و اییرمیایکی یاشیندا بیر اوغلان تانییرام کی، اونون وزنی
34 کیلو ایدی
و اون ایکی ساعات دؤیولهرک، آغزینی آچمادان حیاتا گؤز یومدو
و هله بو، من تانیدیغیم جهنمین هامیسی دئییل.