ایلک باهار

 

گول کولور  گولشن  آرا  تازه   باهارین    اوزونه

یاز یئلی  سورمه  سورور نرگیز مستین   گؤزونه

وصل  گول    بولبوله  بایرام  ائله ییر   هر گونونو

غنچه    باغ باغ   آچیلیر  نغمه لی  سئودا  سؤزونه

سریلیر   سوسن    و  سونبول  سبلانین     دؤشونه

قوزو  املیک     یایئلیر  نازلی  موغانین    دوزونه

ایلک  باهاریله   اوغورلار  دیله ییر  دوستا  کؤنول

سو  چیلیر  سئوگی   قابارمیش غم ودردین  کؤزونه

اومودوم  وار   کی آچان   گول چیچگین    آردینجا

یوردوموندا    گئجه سی   بیر   قووشا   گوندوزونه

اسمه یه      باد خزان  یازدا      نظامی        باغینا

گولومو     گولشنیمی      چیخمایا     یادلار اؤزونه

اسه  باشدان  باشا    اؤلکمده     آزادلیق      نسیمی

غم توزو    قونمایا    بیرده  ائلیمین     گول اوزونه

                                                                        اسماعیل جمیلی