هاشیم
ترلانین آدی و
خاطیره سی هر
زامان یاشایاجاقدیر!
دوزولون،
صف چکین چین دیواری
تک
لالهدن،
ریحاندان تر
شعرلریم
دیلیمه
خور باخان دیز
چؤکسون گرک
سیزین
قارشینیزدا،
تر شعرلریم
(هاشیم
ترلان)
یئنه
آذربایجان
مدنیتىنین
سماسیندان
سحر آچیلمادان
بیر اولدوز آخیب،
سونسوزلوغا
قووشدو.
آذربایجان
ملی حکومتی نین
یاراتدیغی
مدنیت و اینجه
صنعت مکتبینده
بؤیویوب_
بویا
باشا چاتان دیل
و ادبیاتیمیزین
وئترانلاریندان
بیرینی ده، ایتیردیک.
شاعیر،
یازیچی،
اجتماعی خادیم،
دیلیمیزین
گؤزللیک لرینه
گؤزللیک
قاتان و
بیر
سؤزله دئسک
مدنیتیمیزین
صداقتلی خادیم
لریندن بیری
اولان هاشیم ترلان
(علی چشم آلوسی)،
اوستادی بؤیوک
شهریارین دئدیگی
کیمی "گؤزللرین
آخیره قالمیشلاریندان"
بیری ایدی.
عایله
سی جنوبی
آذربایجانین
آلان باراغوش
محالیندان
اولان هاشیم
ترلان،
خاطیره
لی رومانی
"گوموشو
پئنجک" ده یازدیغینا
گؤره آتا-آنا
سی آرازین بو تاییندان
اوتایینا
مهاجرت ائدیب
باکی شهرینده
ساکن
اولدوقلاری
زامان، 1302-
جی
ایلده بو
شهرده دونیایا
گؤز آچمیشدیر.
جنوبی
آذربایجانا
قاییدان دان
سونرا آیدین
گله جک اوچون
ساواشان خالقی
ایله چیگین- چیگينه
وئرن هاشیم
ترلان،
آذربایجان
ملی حکومتی نین
یارانماسی و
کوتله آراسیندا
رغبت
قازانماسی
اوچون جان و
دیلدن چالیشیب،
بو حکومتین یاراتدیغی
مدنیت
اوجاقلاریندان
بیری اولان
شاعیرلر مجلسینده،
فعال اشتراک
ائتمیشدیر.
ملی
حکومتین
مغلوبیتیندن
سونرا بو
حکومته صادیق
قالان یوزلر یازیچی، شاعیر،
اجتماعی خادیم
و ضیالی کیمی،
هاشیم ترلان
دا، فارس شوونیزمینی، استبداد
و فئودالیزمی
نماینده لیک
ائدن محمد رضا
شاهین حاکمیتی
نین تضییقینه
معروض قالمیشدیر.
آذربایجان
خالقی نین صادیق
ائولادی
ترلان، حبسلر
و اشکنجه لردن
جان قورتادیقدان
سونرا، شوونیستلرین
آغیر باسقی سی
آلتیندا ملی
وارلیغی
اوچون
سون سنگرلرده
ساواشان خالقیمیزین
بیر عسگری کیمی،
یئنه ده میدانی
ترک ائتمه
میشدیر.
هاشیم ترلانین
بو دؤوره عاید
هر بیر شعری، شوونیستلرین
اوره گینه
توشلانمیش بیر
سونگو دور.
بؤیوک
اومیدلرله
بهمن انقلابینی
قارشیلایان
هاشیم ترلان،
خالقیمیزین آزادلیغی
اوچون یئنی میدانلار
آچیلدیغینی
گؤروب و یوکسک
بیر روحیه ایله مبارزه
یه دوام ائتمیشدیر.
تاسف
کی گؤزل گونلرین
عمری آز اولوب
و فارس شوونیزمینه
اسلامی دون گئییندیرن یئنی
آغالار، غیر
فارس ملت لره،
قادینلارا،
گنجلره و زحمت
آداملارینا
غنیم اولان
داها غدار و
داها ییرتیجی
بیر سیستم یاراتمیشدیلار.
داها
گنج یاشلاریندا
اولمایان هاشیم
ترلان یئنه ده
حبس و اشکنجه
لره معروض
قالمیشدیر.
بوتون
محرومیتلر و
تضییقلره
رغما، آذربایجان
خالقىنین
خلف اولادی
اولان هاشیم
ترلان،
حیاتىنین
سون گونلرینه
کیمی ازیلمیش
انسانلار ایله
باغلادیغی
عهد و پیمانینی
پوزمامیش،
خالقىنین ملی
حاقلاری
اوغروندا و
سوسیال عدالت
سیزلیگه قارشی
مبارزه سینه
دوام ائدیب و
نهایت بهره لی
و بارلی حیاتی
آبان آیی نین 25-
ده تهران شهرینده
سونا چاتمیشدیر.
فارس
شوونیزمینی
نماینده لیک
ائدن اسلام رژیمینین
باسقی سی آلتیندا یاشاماغا
مجبور اولان
آذربایجان
خالقی، قوجاغیندا
بسله دیگی هاشیم ترلان
لا ایسته دیگی
کیمی
وداعلاشا بیلمه
سه ده، اونون
ادبی ارثیه سینی
گله جک
آزاد و گؤزل
گونلر اوچون
تاریخ یادداشتیندا
قورویاجاقدیر.
هاشیم
ترلان لار
اؤلمزدیلر.
آذربایجان
فدرال-
دموکرات
حرکاتی
29
آبان 1393
20
نوامبر 2014