آذربایجان فدرال ـ دموکرات حرکاتينا قوشولون!

 

آذربايجان فدرال- دموکرات حرکاتى قاباقجيل ايرانلى تورکلردن و آذربايجان خلقيندن عيبارت بير تشکيلاتدير. اونون آماجى ايراندا حؤکم سورن سياسى رژيمى کؤکلى ديبلى دگيشديرمک و دموکراسى، آزادليق و برابرليگه و ايجتيماعى عدالته داياناراق ايران فدرال و دموکراتيک جومهوريتينى و ايران تورکلرينين فدرال دؤلتينى قورماقدير.

 

آذربايجان فدرال- دموکرات حرکاتى- نا عوضواولماق داوطلبانه و آزادجاسينادير. آذربايجان فدرال- دموکرات حرکاتى نين عمومى پرنسيپلرينى بگه‌نيب قبول ائدن، پلاتفورمدا گلن سياسی ايجتيماعى آماجلارين دوغرولماسى  يولوندا آذربايجان فدرال- دموکرات حرکاتى ايله بيرليکده موتشکيل (اورقانيزه) موباريزه ائتمک ايسته‌ين بوتون ايران تورکلرى و آذربايجانليلار آذربايجان فدرال- دموکرات حرکاتيندا عوضو اولا بيلرلر.

 

آذربايجان فدرال- دموکرات حرکاتيندا عوضو اولماق کيمسه نين  فردى و سيويل حوقوق و آزادليقلارين محدود ائتمه ييب و شرطلنديرمير. آذربايجان فدرال- دموکرات حرکاتى عوضولرين خوصوصى حيات طرزينده موداخيله ائتمير.

 

ایراندان دیشاریدا یاشایان آذربایجانلیلاراوزل عضولوک فورمونو دولدورماقلاعوضولوک تقاضالارینی آ.ف.د.حرکاتینا بیلدیره بیلرلر.

 

 ایراندا یاشایان آذربایجانلیلاراوچون امنیتی مساله‌لری نظرده توتاراق، هچ بیر فورم دولدورماق گرگ  دئیل. آذربايجان فدرال- دموکرات حرکاتينا عوضو اولماق ايسته‌ينلر و يا بيزيمله موختليف شکيلده امکداشليق و همکارليق ائتمگه مئيلی اولانلاردان دعوت ائديريک کی، بيزيمله تماس توتماغا گؤره، اونلارين اؤزلری اوچون مومکون و الوئريشلی اولان واسيطه‌لردن ايستيفاده ائتسينلر.

 

آذربایجان فدرال ـ دموکرات حرکاتی، اؤز ايستکلرينی بيزيم پلاتفورمدا گؤرن بوتون آذربايجانليلاردان دعوت ائدير کی، بيزه قوشولسونلار!

 

تشکيلات آدرسی: 

afdh.teshkilat@googlemail.com