ایلک
درسلیک / علیرضا
صرافی
شکیلده
گؤردوگونوز کیتاب،
"وطن دیلی" درسلیگینین
اوست قابیغیدیر.
قاجار دؤنمینده تدریس
اولونان بو
"وطن دیلی"
کیتابی،
رشدیهنین
یازدیغی "وطن دیلی" کیتابیندان داها اؤنجه
تدریس
اولارمیش،
بو کیتاب
او تای-
بوتای آذربایجاندا
تدریس اولونان
ایلک و
اورتاق درسلیک
کیتاب ساییلماقدادیر.
بو کیتابین
بیرینجی
چاپینین
تاریخی منه
معلوم دئییل،
آنجاق
اونون ایکینجی
چاپی 1306 هیجری
قمری یاخود
1266 شمسی ده
اولموشدور.
دئمک یوز اوتوزدؤرد
ایل بوندان
اول (یاخود
مشروطه
انقلابینتدان
اییرمی ایل
اول).
من بو کیتابین
بیر نسخهسینی
تبریزده
جناب
دوکتور غلامعلی حاجیلونون، ایکینجی بیر نسخهسینی
ده تهراندا
یاشایان
اصلینده
اردبیلدن
اولان بؤیوک
یازیچی و
معارفپروریمیز
جناب
دوکتور عزیز محسنینین شخصی
کیتابخالاریندا
گؤرموشم. دئدیکلرینه
گؤره بو کیتاب
آتالارینین
(اصلینده بؤیوک
بابالارینین)
درسلیک کیتابی
ایمیش.
کیتابین
تبریز و
اردبیلدن
علاوه اورمیه
مکتبلرینده
ده تدریس اولماسیندان
خبریمیز
وار.
میرزه حسن
رشدیهنین
یازدیغی "وطن دیلی" ایسه آلتی
ایل سونرا یعنی
1312 هیجری قمری
یاخود 1272-جی ایلده
(مشروطه اینقیلابیندان
اون اوچ ایل
اول) تبریز شهرینین
دارالفنون
مظفریه نیظامی
مدرسهسینین
مطبعهسینده
چاپ اولموشدور.
اوچونجو
درسلیک کیتابیمیز "آنا دیلی" آدیله
مشروطه اینقیلابیندان
آلتی ایل
سونرا 1291-جی
ایلده تبریزین
تربیت مدرسهسینین
مدیری میرزه عبدالرحیم طرفیندن یازیلمیش
و واقتیله
مکتبلیلر
آراسیندا
پایلانمیشدیر.
"آنا دیلی"نین
بیر نوسخهسی
یئنه ده
دوکتور حاجیلو جنابلارینین
شخصی کیتابخاناسیندا
موجوددور.
بونلار
اوز زامانیندا
رسمی درسلیک
کیمی قبول
اولونوب و
تدریس اولونارمیش.
رضاشاه
دونمیندن یاخود
1304-جو ایلدن اعتیبارا
بو درسلیکلر
تمامیله آرادان
قالدیریلاراق،
فارسجا درسلیکلرله
عوض
اولموشدور.
